أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ماشايف گبل وعيوني عثرن بيك
واول ماوعيت عيوني الك صدن
شفتك مو بشر شفتك ضوه اعله الگاع
ومن تمشي الكواكب كلهن يسجدن
==============

 

[mohammed.shams]

شاعر لو يوصفك يتعب هواي
لأن يحتاجلك فد ست دفاتر
ماشفت ابياضك آنه من حيث
الشمس من شافتك لبست مناظر

 

[mohammed.shams]

مريض ومايشافيني دوة الغير
واشفه من المرض لو ضگت سمك
من گد ماأسولف بيك للناس
نشدوني على اسمي وگلت إسمك

 

[mohammed.shams]

ليش ماشوفك لأن بيك آنه اشوف
وآنه ماحبك أموت آنه عليك
گام ياهو يشوفني يبوس بدي
مو لأن سيد لأن كضيت اديك

 

[mohammed.shams]

أگلك مو حلو بس هذا مامعقول
لأن تدري غلط وبهاي اظلمنك
إگعد بالحديقة وبين جوري وياس
أتيه بينهن واگعد واشمنك

 

[mohammed.shams]

إنته مو مثل البشر بيك اختلاف
إنته من توگف تحير الوگفة بيك
وظهرك يباوع على خصرك يگوم
ولو مشيت يذب حچي حلگك عليك

 

[mohammed.shams]

ليش متقصد تعل گلبي بهواك
وتدري أبچي الروح اذا شح الدمع
تريد تشلع گلبي فوت بكل قواك
آنه عندي گليب خاطر ينشلع

 

[mohammed.shams]

آنه شايف في حياتي المعجزات
وگمت اعرف الزين من عند الردي
بس امر حيرني خلاني أدوخ
عمي ماشايف گمر لابس بدي

 

[mohammed.shams]

خلي نگلب صفحة ونعوف اللي راح
هاي جملة نبيع بيها ونشتري
آنه ماعندي بعد صفحة وسماح
بكثر ماشگيت خلص دفتري

 

[mohammed.shams]

فدوة لله الناس گالت من تمر
دير بالك ياحلو لاتنحسد
عطرك اللي بيك احله من العطر
ومن يشمك يمكن يذوب الورد