أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

انته اجمل بشر شفته اعله هذا الكون
حلو ماكو بحلاتك ذرة مملوحة
سكر من ابوسك خاف بية يصير
لأن كلمن يشوفك تنسحن روحه

 

[mohammed.shams]

إذا بيدك حجر لاتضرب الناس
عدها الناس إيد وگاعك احجار
واذكر بيتك المصنوع من جام
يعني حجارة وحدة يصير طشار
==============

 

[mohammed.shams]

نخاف اعليك من اعيون الذياب
بوسط عين المحنة نضمك انريد
ياأول حزين بعالم الآه
من ارموش عينك نگط العيد

 

[mohammed.shams]

حاجز لاتخلي الباب فد يوم
من عين البشر لاتنحسد خاف
يبو وجه اليشع ياباب اليفيد
سور الصين لو خليته تنشاف

 

[mohammed.shams]

لاتجيب الوان واحمر للشفاه
ولاتلزگ ارموش ساعة وتنشلع
آنه من وجهك أحس رب الجمال
خالقك للناس قالب للصنع

 

[mohammed.shams]

على گلبي انكسر گلبي من الفراگ
وبچة گلبي علية وهم كسر گلبي
يعني الگلب يبچي والگلب مكسور
وانطبگن علية وتيهت دربي

 

[mohammed.shams]

آنه اللي أحبه مايحب الناس
ولهذا السبب دمعاتي مفضوحة
لأن اعشگت واحد دور بهالكون
ماشاف بحلاته رد عشگ روحه

 

[mohammed.shams]

حيرتني الدنيه هاذي
والله بالمگلوب تمشي
لليخون اتصير حمزة
وللي يوفي اتصير وحشي

 

[mohammed.shams]

نختنگ لمن علينه انته تغيب
إنته لو مريت نشتمك هوة
طالع من البيت تضوي من الصبح
شنهي عمي يصير متريگ ضوة

 

[mohammed.shams]

ماأدري شوگع من انته مريت
أباوع ماكو شي طايح علية
من گد ماحلو من شفتك تفوت
أثاري آنه الطحت ماأدري بية