أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

ياأرق إنسان شفته بهالوجود
المايحبك ماأظن شايف عشگ
والله ادوخن وانسطر واحسدها حيل
شفتك اعله الشفة لمن تنطبگ

 

[mohammed.shams]

جمالك مو جلوس يوگف الناس
وتظل تنظر عليك بعين طماعة
بس گلي اعله قصتي الساعة بالباكيت
من شافت جمالك وگفت الساعة

 

[mohammed.shams]

الجمال البيك ما مثله جمال
وتدري منك غار بستان الورد
إنته ربك ميزك عن العباد
تطلع بتموز يكتلنه البرد
==============

 

[mohammed.shams]

اكتبت عنك قصايد عدد شعر الراس
عفتهن گلت أكتبلك جديدة
بديت اوصف شفافك كملت بعدين
دنت نفسي وگبل بست القصيدة

 

[mohammed.shams]

شفت هوسة وبابي طايح والسياج
اشصار گلت ولنه واحد عايط
فات خلك گالي وبابك إجاه
ظل ورا يركض وجر الحايط

 

[mohammed.shams]

خذت گلبي من فاتت والعقل والروح
زغيرة ودوختني وخبطت الواني
ردت للبيت اطبن من فتحت الباب
گعدت ولنه طالع بيت جيراني
==============

 

[mohammed.shams]

مو طبع الجبل ينجر بالحبال
ولا طبع الأسد يحتاج حارس
ومو كلمن ركب عالخيل خيال
ولاكلمن يشيل السيف فارس

 

[mohammed.shams]

صفت مثل المسلسل عشرتي وياك
وجزت حلقات من عدها كثيرة
وانه من الحلقة الاولى تولعت بيك
واظل اهواك للحلقة الأخيرة

 

[mohammed.shams]

داخوا بالحشر للجنة ماودوك
تتعارك عليك الشيعة والسنة
ودوك لجهنم بيها ماخلوك
خافوا من جهنم تنگلب جنة

 

[mohammed.shams]

عليك شگد اخاف شگد اداريك
حبيبي اتمنه داخل گلبي اضمك
إذا مو إنته بيها الدنيه شتفيد
ولك همزين ابوك اتزوج امك