أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

دخفف من جمالك رجل ذب ايد
ذب شعرك امعود لادذب خصرك
بس تبقه حلو إي وحگ من سواك
لو مو تذب ايدك لوتذب كلك

 

[mohammed.shams]

صدگ كلش حلو وعندك حسن ماصار
وصدگ تكتل مشيتك من تلف خصرك
خل اسكت بعد ماداعي اوصف بيك
إذا شفتك تريد تبةسك بحلگك

 

[mohammed.shams]

من جمالك كلها وگفت
وآنه غامرني السكوت
لأن بس احچي بجمالك
يصعد السكر واموت

 

[mohammed.shams]

على اعيونك تصد وتشتكي الناس
چم فارس إجه وبرموشهن طاح
إذا صديت مو بس تصطر البال
إذا عالگاع تنظر تسطر الگاع

 

[mohammed.shams]

أمي ماتت بالمفخخ والدمار
گلت ماأدفنها خل تشبع هوه
هيه كل يومين ثالثها انفجار
متاني ابويه ايموت وادفنهم سوه

 

[mohammed.shams]

جيت اشوفك مالگيت بعيني شوف
الشوف گبلي اتعنه راح ايشوفك
ردت اعوفك ماشفت بيدي چفوف
لأن راحن چلبن بچفوفك
==============

 

[mohammed.shams]

جماعة اتگول عنك مو بشر حاشاه
وجماعة اتگول حتما مو بشر حتما
واختلفوا عليك وبيك مايدرون
إنسان وملاك بواحد انجمعن

 

[mohammed.shams]

يا عيسى ابن مريم والله محتار
شريد اكتب عليك وابتدي منين
يبدي البشر نطفة وينتهي بموت
وانته اول بشر مامر بالاثنين

 

[mohammed.shams]

الشوارع من تمرها تصير كلها حلوگ
حتى تبوس جدمك من تمر يفلان
ليلية اعله بالي وأظل صافن بيك
عالحيطان ارسمك واشبگ الحيطان

 

[mohammed.shams]

ماأريدن يجهد السانك كلام
آنه أفتهمك إذا تهمس همس
اليوم ماشفنه شمس وكت الشروق
ليش ماتصعد تصير انته شمس